Մեր մասին

Սիրելի՛ բարեկամ,

«Լինենք բարերար» բարեգործական հասարակական կազմակերպությունը,  հետևելով ծավալած գործունեության  թափանցիկությունը կատարելության հասցնելու իր առաքելությանը, նպատակ ունի աջակցել մեր հայրենակիցներին՝   համախմբելով աշխարհասփյուռ բարերարների  ներուժը: 

Ովքե՞ր ենք մենք. մեր հայրենակիցներին օգնելու արդար մղումով միավորած նվիրյալներ,  ովքեր պատրաստակամ են տրամադրել սոցիալական աջակցություն՝ ի նպաստ մեր  հայրենակիցների բարօրությանը:

Ի՞նչ ենք անում. որդեգրելով խոցելի խմբերին ցուցաբերվող աջակցության համակարգային մոտեցում՝  տարատեսակ ծառայություններ մատուցելու համատեքստում հիմնադրամը  կոչված է նպաստել մեր հայրենակիցների կյանքի որակի բարելավմանը:

Մենք կոչ ենք անում Ձեզ ևս այս հայրենանվեր առաքելության մասնակիցը դառնալ,  քանի որ խորապես համոզված ենք, որ համատեղ մարդասիրական գործունեությունը  դառնալու է սոցիալական ծառայությունների մատուցման յուրահատուկ մի հարթակ, որին  իր անմիջական մասնակցությունն ունենալով՝ հպարտանալու է ձեզանից յուրաքանչյուրը:

Մեր գործունեության առանցքում յուրաքանչյուր անհատի բարեկեցությունն է:

Մեզանից յուրաքանչյուրն ի զորու է փոխել նվազագույնը մեկ ճակատագիր՝
աջակցելով օգնության կարիք ունեցողներին:

Միասին մենք կարող ենք դարձնել կյանքն էլ ավելի լավը:

Այստեղ մենք ձևավորում ենք փոխօգնության և փոխվստահության հարթակ:

Կազմակերպության առանձնահատկություններն են`

• Ֆինանսական հոսքերի առավելագույն թափանցիկություն: Յուրաքանչյուր խնդիր-նախագիծ ունի հանրության համար հասանելի մանրամասն հաշվետվություն:

• Ադմինիստրատիվ ծախսերի բացակայություն /չկան աշխատավարձային, կազմակերպչական, տարածքի վարձակալության, կոմունալ, կենցաղային և այլ ծախսեր/:

Կազմակերպության հիմնադիրների շահագրգռվածությունը

Լինենք Բարերար բարեգործական հասարակական կազմակերպության հիմնադիրները ունեն մեծ եռանդ ու ցանկություն՝ օգնելով կարիք ունեցող մարդկանց, վերանորոգելով կամ վերակառուցելով հինը, դարձնել մեր երկիրը ավելի բարեկեցիկ:

Բարեգործական նախագծերի ոլորտները

Օժանդակության կարիք ունեցող բոլոր ոլորտները: Լինի դա կարիքավոր ընտանիք, առողջական խնդիր ունեցող անձ, վերանորոգման կարիք ունեցող շինություն՝ տուն, դպրոց, մանկապարտեզ՝ մենք պատրաստ ենք օգնել:

Բարեգործական գումարների տեղաբաշխումը

Բարեգործությանն ուղղված յուրաքանչյուր դրամ կծախսվի  միայն այն խնդիր-նախագծի լուծման համար, որն ընտրում է ինքը՝ բարեգործություն կատարող անձը: Բոլոր ծրագրերն ունեն հանրության համար հասանելի թափանցիկություն և  մանրամասն հաշվետվություն:

Խնդիր-նախագծի համար ուղարկված միջոցների վերահսկողությունը

Յուրաքանչյուր անձ կամավոր հիմունքով կարող է ներկայացնել հայտ ցանկացած նախագծի հսկող դառնալու վերաբերյալ, ինչը հնարավորություն կընձեռի վերահսկել յուրաքանչյուր նախագծի իրականացման բոլոր փուլերը: Բացի այդ, դուք կարող եք հրապարակել ստացված տեղեկատվությունը, կարող եք լուսանկարել, տեսաձայնագրել, նկարագրել և հաշվետվություն ներկայացնել:

Կիսվե՛ք Ձեզ հայտնի խնդրով մեզ հետ

Եթե Դուք տեղյակ եք օգնության կարիք ունեցող որևէ խնդրից, մենք սիրով կտեղադրենք այն մեր կայքում և կօգնենք հավաքել անհրաժեշտ գումարը: Ցանկացած անձ կարող է գրանցվել կայքում, լրացնել հարցաթերթիկը և սեղմ ժամկետում ստանալ հիմնադրամի արձագանքը:

Յուրաքանչյուր նախագծի իրականացման բոլոր փուլերը վերահսկվելու են

Նախքան կայքում նախագծի տեղադրումը, կազմակերպության կողմից կատարվում է շուկայի ուսումնասիրություն՝ լավագույն որակ և գին հարաբերության վերաբերյալ, նաև կատարվում է գնային հարցում և խնդրանք տվյալ ապրանքը/ծառայությունը ինքնարժեքով տրամադրելու վերաբերյալ: Գումարը ամբողջովին հավաքվելու դեպքում գնվում է տվյալ ապրանքը/ծառայությունը:

Դարձեք կամավոր

Մեզ անհրաժեշտ ենք ամենատարբեր ոլորտների մասնագետներ: Խնդրում ենք լրացնել համապատասխան ձևաթերթիկը և սպասել հիմնադրամի արձագանքին:

ՊԱՏՐԱՍՏ Ե՞Ք ԴԱՌՆԱԼՈՒ ԿԱՄԱՎՈՐ

X